Ang South Korean singer-songwriter na si Chen (o Kim Jongdae) ay babalik sa Philippines para sa kanyang ‘Arcadia’ Tour sa 2026. Inanunsyo ito ng Three Angles Production noong Disyembre 16, 2025. Magaganap ang concert sa February 28, 2026, ngunit ang venue at ticketing details ay ipapahayag sa susunod.
Bukod sa Manila, bibisita rin si Chen sa iba pang bansa sa Asia, kabilang ang Japan, Indonesia, at Taiwan. Narito ang mga schedule ng kanyang tour:
January 3, 2026 – Taipei, Taiwan
January 25, 2026 – Yokohama, Japan
January 31, 2026 – Jakarta, Indonesia
February 28, 2026 – Manila, Philippines
March 8, 2026 – Macao
March 29, 2026 – Kuala Lumpur, Malaysia
Kasunod nito, inilabas ni Chen ang kanyang bagong EP na Arcadia noong September 29, 2025. Sa limang tracks ng EP, sinubukan niyang mag-explore sa energetic pop/rock sound mula sa kanyang karaniwang ballad style.
Sa ibang balita, nagkaroon ng EXO reunion fan meeting na ‘EXO’verse’ noong December 14, 2025. Ngunit ang mga miyembrong lumipat sa INB100, tulad nina Baekhyun, Chen, at Xiumin, ay hindi nakasali. Hindi rin nakadalo si Lay dahil sa “unavoidable circumstances.”
