Ang Department of Health (DOH) ay naniniwalang mas magiging MABILIS at EPEKTIBO ang tulong-medikal kung ang dagdag pondo ng MAIFIP ay diretso nang ipadala sa mga LGU o lokal na pamahalaan. Ito ay matapos ang mainit na diskusyon sa panukalang pagtaas ng budget ng MAIFIP sa P51 BILYON.
Ayon sa DOH, ang kasalukuyang sistema ng MAIFIP ay mabagal dahil kailangan pa ng mga papeles at GUARANTEE LETTER mula sa mga pulitiko. Mas gusto ng ahensya na palawakin ang ZERO-BALANCE BILLING, kung saan ang pasyente ay wala nang babayaran sa ospital basta miyembro ng PHILHEALTH at naka-admit sa basic ward ng DOH hospital.
Iminungkahi ng DOH na 70–80% ng dagdag pondo ay mapunta direkta sa LGU HOSPITALS, habang ang natitirang 20–30% ay ilaan sa CATASTROPHIC HEALTH FUND para sa malulubhang kaso. Giit ng DOH, hindi mawawala ang pondo—ang mahalaga ay kung saan ito dadaan para mas PANTAY at MABILIS ang tulong sa mga pasyente.
