Ang PNP-ACG ay nakakulong ng 10 katao matapos magsagawa ng pitong operasyon sa Metro Manila at kalapit na probinsya laban sa online bentahan ng bawal na paputok. Ayon sa grupo, nadiskubre sa cyber patrolling ang mga suspek na hayagang nag-aalok ng mapanganib at malalakas na paputok sa social media.
Sinabi ni Brig. Gen. Wilson Asueta na tuloy-tuloy ang kampanya ng kanilang mga yunit para siguraduhing ligtas ang publiko mula sa ipinagbabawal na paputok. Unang operasyon ay isinagawa ng Manila District Anti-Cybercrime Team noong Nobyembre 26, 2025 sa Tondo kung saan dalawang lalaki ang nahuli matapos magbenta ng P7,800 halaga ng ilegal na paputok.
Sumunod na operasyon noong Nobyembre 30, 2025 sa Cabanatuan City, kung saan naaresto ang 21-anyos na lalaki na nagbebenta ng P2,750 na paputok. Ayon kay Asueta, retailer ang dating ng suspek at mayroon pang mas malaking pinanggagalingan, kaya patuloy nila itong mino-monitor kasama ang lokal na pulisya.
Sa mga operasyon sa Caloocan, Cavite, at iba pang lugar, umabot sa P75,000 halaga ng bawal na paputok ang nakumpiska. Lahat ng ebidensya ay nasa kustodiya na ng pulis para sa kasong isasampa. Binigyang-diin ni Asueta na bawal ang online selling ng paputok sa anumang sitwasyon.
Ang 10 suspek ay kakasuhan sa paglabag sa RA 7183 tungkol sa paputok, kaugnay ng RA 10175 o Cybercrime Prevention Act. Nagpaalala rin ang PNP-ACG na huwag bumili ng ilegal na paputok online dahil sa panganib at posibleng kaso.
