Ang usapin para sa susunod na laban ni Manny Pacquiao ay patuloy na pinag-uusapan, at isa sa mga opsyon ang rematch kay Floyd Mayweather Jr.
Ayon sa boxing icon, muling makikipagtrabaho siya sa kanyang dating promoter at advisor para sa laban sa Enero 24, 2026. Kasama rito si Michael Koncz at dating promoter Bob Arum.
“Marami pa tayong pinaguusapang laban. Posibleng laban kay Floyd Mayweather Jr., kay Vasyl Lomachenko, o iba pang boksingero. Hihintayin namin ang final na desisyon,” sabi ni Pacquiao.
Kapag pinili niya, gusto niyang makipag-rematch sa retiradong American boxer. “Gusto kong magkaroon ng laban kay Floyd Mayweather at sana maayos ang negosasyon namin,” dagdag niya.
Target ang unang quarter ng 2026 para sa laban, pero wala pang tiyak na venue. Huling laban ni Pacquiao ay noong Hulyo laban kay Mario Barrios na nagtapos sa majority draw.
