Ang Kapamilya actress na si Chie Filomeno ay diretsahang nagsabi na si Sofia Andres ay umano’y nag-block sa kanya sa Instagram. Nangyari ito matapos may netizen na nag-tag kay Sofia sa isang post ni Chie.
Hindi malinaw kung bakit daw siya na-block ni Sofia kahit kilala silang magkaibigan noon.
Sa isa sa mga post ni Chie, ibinahagi niya ang kanyang saloobin tungkol sa mga fake news at bashers na bumabatikos sa kanya online. Aniya, tao rin siya na may damdamin at kailangan niyang magsalita para ipaglaban ang katotohanan.
“Hindi ko hahayaang maliitin ako ng kahit sino, lalo na ng mga taong malapit sa akin. Yung iba gumagamit pa ng dummy accounts para manakit. Mali yun. Tigilan niyo na, please,” sabi ni Chie.
Maraming fans ang pumuri sa kanyang tapang, ngunit may ilan ding nagsabi na baka may pinapatamaan siya kahit hindi siya nagbanggit ng pangalan. May netizen na nag-tag kay Sofia at doon inamin ni Chie na, “Hindi niya makikita kasi blinock niya ako at hindi naman ako nag-unfollow.”
Nagkaroon ng diskusyon sa comments kung ano nga ba ang nangyari sa kanilang dalawa. May mga fans na nag-suggest na mas mabuting manahimik na lang siya. Pero sagot ni Chie, “Girl, matagal na akong tahimik. Ito ang paraan ko para bawiin ang power ko.”
