Ang Minecraft 2 movie ay kumpirmadong ginagawa na at nakatakdang ipalabas sa mga sinehan sa July 23, 2027. Kasunod ito ng malaking tagumpay ng unang pelikula na kumita ng halos ₱57 bilyon sa buong mundo.
Babalik si Jared Hess bilang direktor at co-writer, kilala sa kanyang kakaibang style na bagay sa blocky world ng Minecraft. Kasama rin niya si Chris Galletta sa pagsusulat. Excited si Hess dahil napakalawak ng Minecraft universe at marami pang puwedeng tuklasin na bagong adventure.
Inaasahan na babalik ang mga bituin gaya nina Jack Black (bilang Steve) at Jason Momoa. Marami ring fans ang naghihintay na lumabas si Alex, na unang ipinakita sa post-credits ng naunang pelikula.
Ang opisyal na teaser na may dalawang pickaxe ay nagpasimula ng usap-usapan na mas lalawak pa ang kwento. Sa inaabangang sequel, tiyak na mas dadami ang adventure at creativity na magpapa-excite sa Minecraft fans sa buong mundo.
