Ang Department of Justice (DOJ) ay nag-apruba ng lookout order laban kina Francis Escudero, Joel Villanueva, Jinggoy Estrada, Martin Romualdez at iba pang kasalukuyan at dating opisyal na iniimbestigahan sa flood control scandal.
Kasama sa listahan ang ilang kilalang pangalan tulad nina Ramon “Bong” Revilla Jr., Nancy Binay, Mario Lipana ng COA, Trygve Olaivar ng DepEd, Carlene Villa, Maynard Ngu, Roman Romulo, Jojo Ang, PM Vargas, Arjo Atayde, Nikki Briones, Marcy Teodoro, Rida Robes, Eleandro Madrona, Benjie Agarao, Bem Noel, Ode Tarriela, Reynan Arogancia, Marvin Rillo, Teodoro Haresco Jr., Antonieta Eudela, Dean Asistio, Marivic Co-Pilar, Loida Busa, Bogs Magalong, Ramon Devanadera, Johnny Protesta Jr., at Arturo Gonzales Jr.
Ayon sa DOJ, ang Immigration Lookout Bulletin Order (ILBO) ay hindi agad nagbabawal makalabas ng bansa, kundi minomonitor ang galaw ng mga nakalista. Kung may nakabinbing kaso o hold departure order, doon lamang sila mapipigilan.
Nagpahayag naman si Jinggoy Estrada na hindi siya iiwas. Aniya, “Kung noong may kaso akong plunder humarap ako at hindi tumakas, ngayon pa ba na wala ni katiting na ebidensya?” Dagdag niya, may hawak pa siyang Hold Departure Order mula Sandiganbayan kaya kailangan pa rin ng pahintulot bago bumiyahe.
Samantala, inimbitahan ng Independent Commission for Infrastructure (ICI) si Martin Romualdez at Budget Secretary Amenah Pangandaman sa pagdinig sa Oktubre 14. Pinadalhan din ng subpoena si dating kongresista Zaldy Co upang magsumite ng dokumento kaugnay ng budget insertions. Ayon sa ICI, layunin nito ang transparency, accountability, at good governance.
