Ang pinaka-inaabangang pagbabalik ni Manny Pacquiao sa boxing ring ay mangyayari na sa Linggo, July 20 (Manila time). Makakaharap niya si Mario Barrios, ang kasalukuyang World Boxing Council welterweight champion, sa MGM Grand sa Las Vegas.
Mapapanood ang laban sa TapSports, na available sa SkyCable, Cignal, Cablelink, Samsung TV Plus, iWantTFC, at titleholder.ph. Meron ding libreng broadcast sa RPTV at One Sports mula 10 a.m. Mapapanood din ito sa One Sports+.
Ayon kay Guido Zaballero ng TV5, “Hindi lang ito laban—isa itong pambansang sandali. Ipinapakita ni Pacquiao ang tibay at tapang ng bawat Pilipino.”
Para sa mga gusto ng live at commercial-free experience, available ang laban sa Cignal pay-per-view, SatLite, at Pilipinas LIVE app sa halagang P499.
Si Pacquiao, na may kartadang 62 panalo, 8 talo, at 2 tabla, ay 46 anyos na at huling lumaban noong 2021. Si Barrios, 30 anyos, ay may tatlong panalo sa huling apat na laban, at huli niyang laban ay nauwi sa tabla kontra Abel Ramos.
