Ang dalawang lalaki na magkaibigan, edad 21 at 22, ay naaresto matapos magnakaw ng baril ng isang security guard sa Barangay Balite, Rodriguez, Rizal. Ayon sa pulisya, naiwan ng sekyu ang kanyang baril sa pwesto habang sandaling umuwi sa bahay para gumamit ng banyo.
Base sa CCTV footage, nakita ang mga suspek na palihim na lumalakad palayo sa tindahan ng gadget. Napag-alamang matagal na rin silang nagmamanman sa paligid. Dahil walang permit to carry ang sekyu, naiwan niya ang kanyang baril sa pwesto upang makaiwas sa paglabag sa batas.
Sa tulong ng barangay kagawad, natunton ng Rodriguez Police ang pagkakakilanlan ng isa sa mga lalaki. Ayon sa pulisya, kilala na ang dalawa dahil sa dati nang mga reklamo tungkol sa pagnanakaw sa lugar.
Naaresto ang magkaibigan sa parehong barangay at narekober mula sa kanila ang nawawalang baril. Inamin nilang nakita nila ito sa may hagdanan at balak sana nila itong ibenta ng P2,000. Humingi sila ng tawad sa kanilang ginawa.
Kasalukuyang nakakulong ang mga suspek at nahaharap sa kasong theft. Paalala ng pulisya sa mga residente na huwag hayaang makalusot ang mga ganitong gawain upang hindi na ito maulit at madagdagan pa ang mga mabibiktima.
