Ang isang motorsiklo ay bumangga sa isang truck sa national highway ng Barangay Supa, San Jose, Antique. CCTV ang nakakuha ng buong pangyayari.
Makikita sa video na mabilis ang takbo ng motorsiklo. Sinubukan ng rider na magpreno, pero huli na ang lahat dahil hindi niya na-kontrol ang takbo ng sasakyan.
Ayon sa mga nakasaksi, delikado ang bilis ng motorsiklo at hindi agad napansin ang truck na huminto sa daan. Sa lakas ng impact, tumilapon ang rider.
Mabilis namang rumesponde ang mga residente at dinala ang rider sa pinakamalapit na ospital. Iniimbestigahan pa ang insidente ng mga awtoridad.
Muling paalala sa mga motorista na maging maingat sa kalsada at sundin ang tamang bilis upang maiwasan ang aksidente.
