Good Smile Company (GSC) ay naglabas ng bagong POP UP PARADE figures na galing sa anime “2.5D no Yuuwaku” o “2.5D Seduction”. Ang bagong release ay sina Lilliel at Milliela Angel Airborne Team Version, parehong walang scale at fully painted na PVC figures. Ang bawat isa ay may presyong 5,500 yen at inaasahang ilalabas sa Oktubre 2025.
Ang 2.5D no Yuuwaku ay manga na sinimulan ni Yuu Hashimoto noong 2021 at ginawa namang anime ng J.C.STAFF noong 2024. Ang kwento ay umiikot kay Masamune Okumura, isang otaku na ayaw sa totoong babae at mas gusto ang 2D characters. Pero nagbago ito nung sumali si Riri Amano, isang cosplayer, sa manga club nila.
Ang dalawang figures ay base sa Episode 19 ng anime, kung saan sina Riri at Mikari ay nag-cosplay bilang Angel Airborne Team sa summer comiket. Ginawang 3D figures sina Lilliel at Milliela gamit ang cute na standing pose.
Kapansin-pansin ang detalye sa balat, stockings, mini skirt, at sleeves, pati na rin ang makintab na finish ng costume na parang leather. Maging ang mukha at buhok ng characters ay super accurate at lifelike. Perfect ito kung ipapareha silang dalawa sa display!
Ang POP UP PARADE line ay kilala sa pagiging affordable pero detailed, kaya kung fan ka ng 2.5D no Yuuwaku o mahilig sa anime figures, siguradong magugustuhan mo ito. Dalawa na agad ang bibilhin mo dito—sobrang cute pareho!
