Ang adidas ay pinalawak ang pets collection nito sa paglabas ng viral Chinese-style track jacket, na ngayon ay may bersyon na para sa mga alagang hayop. Inilunsad ito bilang bahagi ng selebrasyon ng Lunar New Year, na nagbibigay-daan para mag-match ang humans at pets sa istilo.
Makikita sa koleksyon ang tatlong makukulay na disenyo: festive red, vibrant yellow, at calming blue. Tulad ng adult version, gumagamit ang pet jackets ng traditional Pankou knots imbes na zipper o buttons. Kasama rin sa lineup ang red track T-shirt at metallic adidas Trefoil charm na kahawig ng tradisyonal na Chinese hanging ornament para sa collar ng pets.
Sa ngayon, wala pang kumpirmadong official release date ang adidas para sa koleksyong ito. Gayunpaman, inaasahang magiging China-exclusive muli ang release, katulad ng mga naunang pet drops ng brand.
