Ang Piggatan Detour Bridge sa Alcala, Cagayan ay 84% tapos na, ayon sa Department of Public Works and Highways (DPWH).
Ipinakita ng DPWH sa Facebook ang kasalukuyang konstruksiyon ng tulay na magsisilbing alternatibo sa Piggatan Bridge na bumagsak noong Oktubre.
Inaasahang matatapos ang Piggatan Detour Bridge sa Disyembre ngayong taon at makakatulong sa mas maayos na paggalaw ng mga kalakal at serbisyo sa lugar.
Bumagsak ang matandang Piggatan Bridge noong Oktubre 6 matapos dumaan ang tatlong mabibigat na trak na humigit-kumulang 50 tonelada bawat isa, na nagdulot ng pinsala sa pitong tao.
