Ang pop star na Ariana Grande ay naglabas ng malaking balita: ang “Eternal Sunshine” tour niya ay magiging “last hurrah” o huling malaking tour niya sa matagal na panahon. Kinumpirma niya ito sa Good Hang podcast ni Amy Poehler, kung saan sinabi niyang wala na siyang plano na mag-tour nang malakihan muli.
Sa panayam, ipinaliwanag ni Grande na magbabago ang direksyon ng kanyang career. Mas tututok siya sa film, acting, at sa kanyang creative agency sa susunod na dekada. Binanggit niyang ang mga darating na taon ay magiging iba kumpara sa nakalipas na 10–15 years ng kanyang music career.
Dahil dito, mas naging espesyal ang tour para sa fans. Tinawag niya itong “one last hurrah”, na para bang pinaka-huling malaking celebration sa kanyang musika. Nangako siyang ibibigay niya ang “lahat” para gawing maganda at memorable ang bawat show.
Nakatakdang magsimula ang Eternal Sunshine tour sa June 6, 2026 sa Oakland, California, at inaasahang magiging isa itong napaka-exclusive at hindi na mauulit na karanasan para sa kanyang supporters.
