Ang Sony Pictures ay opisyal na kumuha ng screen rights para sa Labubu, ang sikat na elf-like rabbit mula sa koleksyong “The Monsters” na ginawa ng artist Kasing Lung.
Malaki ang plano ng Sony na gumawa ng live-action movie na naka-base sa global success ng Labubu sa collectible market. Dahil sa sobrang lakas ng bentahan at popularity ng blind-box toys, nakikita nila itong malaking oportunidad para sa pelikula.
Ayon sa mga unang ulat, ang proyekto ay magpapakita ng kakaibang mix ng fantasy, adventure, at mischief na kilala sa karakter ni Labubu. Naging popular ang laruan simula pa noong 2015 at ngayon dadalhin na ito sa big screen.
Wala pang ibinibigay na detalye tungkol sa storyline, pero inaasahang iikot ang movie sa malawak na mundo ng The Monsters universe. Target ng Sony na pagsamahin ang Asian-inspired na karakter at Hollywood-level production.
Sa pagbuo ng Labubu live-action film, malaki ang tsansa na magiging isa itong bagong international franchise na huhugot mula sa toy shelves papunta sa mas malaking entertainment world.
