Ang National Bureau of Investigation – Criminal Intelligence Division (NBI-CRID) ay nakahuli ng isang Chinese national sa Makati City matapos mahuling nagbebenta ng pekeng pera online.
Ayon sa NBI, nakatanggap sila ng impormasyon tungkol sa isang Tsino na nagngangalang “Wang Ye” na nag-aalok ng pekeng ₱1,000 bills sa social media. Nagbebenta umano siya ng 100 pirasong lumang bersyon ng ₱1,000 sa halagang ₱20,000, at 100 pirasong bagong bersyon sa ₱33,000.
Nagsagawa ng entrapment operation ang mga ahente ng NBI at nakipagkita sa suspek sa isang mall sa Makati City. Nahuli siya noong Oktubre 21 matapos iabot ang mga marked money. Kasama ng mga NBI agent ang Bangko Sentral ng Pilipinas (BSP) sa operasyon.
Ang suspek ay nakilalang si Deng Lin, at agad dinala sa tanggapan ng NBI para sa booking procedures.
Si Lin ay kakasuhan dahil sa paglabag sa Article 168 ng Revised Penal Code o Illegal Possession and Use of False Treasury or Bank Notes, pati na rin sa Republic Act No. 10175 o Cybercrime Prevention Act of 2012.
