Ang Yamaha ay nagpakita ng bagong konsepto na tinawag na MOTOROiD2, isang electric motorcycle na gumagamit ng artificial intelligence (AI) at robotics para magkaroon ng mas natural na koneksyon sa pagitan ng tao at makina.
May dalang AMCES (Active Mass Center Control System) ang MOTOROiD2 na nagbibigay kakayahan sa motor na tumayo, gumalaw, at mag-balance mag-isa kahit walang sakay. Bukod dito, kaya rin nitong makilala ang mukha at galaw ng may-ari gamit ang AI image recognition, na para bang isang matalinong kasamang bakal.
Sa disenyo, napaka-futuristic ng hitsura ng MOTOROiD2. May translucent na body, asul na ilaw, at kakaibang Leaf structure na nagbibigay ng mala-hayop na galaw. Ang likurang bahagi nito ay gumagalaw nang hiwalay, kaya mukhang buhay at may sariling personalidad.
Bagama’t konsepto pa lang, ipinapakita ng MOTOROiD2 ang teknolohiyang posibleng magamit sa mga scooter at motor sa hinaharap, para gawing mas ligtas at matatag ang pagmamaneho ng lahat.
