Ang debut single ni Bruno Mars na "Just the Way You Are" ay gumawa ng kasaysayan bilang pinakamataas na certified song sa RIAA. Umabot ito sa 21x Platinum, katumbas ng mahigit 21 milyong units o halos ₱1.2 bilyon sa benta sa U.S., at nalampasan ang record ng “Sunflower.”
Inilabas noong 2010, ang kanta ang naging simula ng kasikatan ni Mars. Nanguna ito sa Billboard Hot 100 at nanalo ng Grammy Award para sa Best Male Pop Vocal Performance. Hanggang ngayon, patuloy pa rin itong pinapakinggan sa digital streaming, patunay ng walang kupas na appeal nito.
Kasabay nito, nakatanggap din ng bagong RIAA certifications ang iba pang kanta ni Bruno. Ang “Lazy Song” ay nakatamo ng Diamond status (10x Platinum). Dahil dito, pumantay si Mars kina Rihanna at The Weeknd bilang artist na may ikatlong pinakamaraming Diamond-certified singles sa kasaysayan.
Ang tagumpay na ito ay nagpapatibay sa posisyon ni Bruno Mars bilang isa sa pinaka-komersyal na matagumpay at pinaka-streamed na artist ng modernong panahon.
