Ang pinakahihintay na KTM 990 RC R ay opisyal nang sisimulan ang production ngayong Oktubre. Ito ang “supersport” bike na pwedeng gamitin sa kalsada at racetrack, dala ang kilalang Ready to Race spirit ng brand.
Ginawa sa Austria, ang 990 RC R ay may steel chassis at diecast aluminum subframe para sa mas mabilis na handling. May lakas itong 130 PS at 103 Nm torque, gamit ang Euro5+ compliant LC8c parallel-twin engine.
Para sa porma, naka-highlight ang aerodynamic design, kasama ang WP APEX suspension, 320mm Brembo brakes, at 8.8-inch TFT display na may ride modes tulad ng STREET, SPORT, SUPERMOTO+, at SUPERMOTO.
Sa daily rides, mas comfortable dahil may adjustable footrests at ergonomic setup para sa commute o long rides. Available ito sa orange at black colorway, at inaasahang may track-only version sa Pebrero 2026.
Ang presyo ay hindi pa inaanunsyo, pero inaasahang nasa humigit-kumulang ₱1.2M – ₱1.3M, depende sa magiging distributor sa Pilipinas. Malapit na rin ilabas ang 990 RC R CUP sa Europe bilang daan para sa mga bagitong racer.
