Ang Crocs ay naglabas ng Classic Clog “Pennywise” bilang handog para sa Halloween. Inspirado ito sa sikat na horror character mula sa kwento at pelikulang IT, na kilala bilang nakakatakot na clown sa ilalim ng sewer.
Makikita agad sa upper design ang mukha ni Pennywise – kasama ang dilaw niyang mata, pulang ilong, at nakakatindig-balahibong ngiti. May oversized Jibbitz na nakausli mula sa ilong, labi, at matutulis na ngipin, kaya mas lumalabas ang 3D at nakakatakot na effect.
Para mas makumpleto ang vibes, nilagyan ang midsole ng black na kulay na may dugong pattern, habang ang strap sa likod ay may accent ng pulang buhok ni Pennywise.
Ilalabas ito sa Setyembre 23 sa halagang ₱4,700 (katumbas ng $80 USD).
