Ang Philippine Table Tennis Federation (PTTF) ay nagbabalak na palakihin ang bilang ng mga kalahok sa kanilang Intercollegiate at Interscholastic Challenge na gaganapin mula Agosto 29 hanggang 31 sa Home Court, Ayala Malls Manila Bay.
Ngayong ikatlong edisyon, dadalo ang mga pinakamahusay na college at high school teams mula sa iba’t ibang liga. Sa kabuuan, mayroong 14 na events na paglalabanan. Ayon kay PTTF secretary-general Pong Ducanes, “Noong nakaraang taon, nasa 600 ang sumali, pero ngayon, mas inaasahan naming dadami pa ito.”
Noong nakaraang taon, naghari ang University of Santo Tomas matapos makuha ang pitong titulo. Isa sa kanilang panalo ay si Eljay Tormis na nag-champion sa College Men’s Singles division. Sa college division ngayong taon, magkakaroon ng walong events kabilang ang Men’s Team at Women’s Team (Division 1 at 2), Singles at Doubles para sa parehong gender.
Para sa high school division, may anim na events: Boys’ Team, Girls’ Team, Singles, at Doubles. Magkakaroon ng cash prizes, gift certificates, trophies, at medals para sa mga mananalo. Ang kabuuang halaga ng premyo ay nagkakahalaga ng libo-libong piso.
Para sa registration at karagdagang impormasyon, maaaring makipag-ugnayan kay Neil Patrick Ferrer sa email npsferrer@gmail.com o sa Whatsapp/Viber number +639984758695. Maaari rin makontak si Al Arnibal sa email alcent20@gmail.com.
