Dalawang tao ang nasawi matapos bumangga ang kanilang multicab sa isang military truck sa Brgy. Poblacion, Laguindingan, Misamis Oriental noong Linggo ng hapon.
Sa CCTV footage, makikitang dumiretso ang isang military truck kahit naka-red light na. Sa hindi inaasahang pagkakataon, lumiko pakaliwa ang multicab na nagresulta sa banggaan.
Ayon kay Police Senior Master Sergeant Doni Alimahan, dahil sa lakas ng salpukan, tumilapon ang mga sakay ng multicab. Dalawa sa kanila, isang babae at lalaking magkapatid, ay nasawi. Lima pa ang nasugatan sa insidente.
Dagdag ni Alimahan, parehong nagkamali ang mga driver — ang driver ng multicab ay hindi na tumingin sa paparating na sasakyan, habang ang driver ng military truck ay hindi napansin ang traffic light.
