Tinanggihan ng House of Representatives noong Martes ang kauna-unahang impeachment bid laban kay Pangulo Ferdinand "Bongbong" Marcos Jr. sa pamamagitan ng House Resolution 746, na inaprubahan ng 284 lawmakers, habang walong boto ang laban at apat ang nag-abstain. Ang resolusyon ay nagtanggal sa mga reklamo dahil sa kakulangan sa substansya.
Sa plenaryo, ipinaliwanag ni Justice Committee Chair Rep. Gerville "Jinky Bitrics" Luistro na ang sufficiency in substance ay hindi nasusukat sa dami ng alegasyon o kalakip na dokumento, kundi sa matibay na ebidensya at personal na kaalaman. Nag-applause ang mga miyembro nang opisyal na i-anunsyo ni Deputy Speaker Janette Garin ang pagpasa ng resolusyon.
Ipinahayag naman ni Rep. Leila de Lima na ang boto laban sa impeachment ay hindi naglilinis sa pangalan ng pangulo mula sa malalalang alegasyon at pinapahina nito ang kredibilidad ng administrasyon sa transparency at anti-corruption efforts. Ayon sa kanya, ang public doubt ay nananatili kahit hindi ito siyasatin. Kasama rin si Rep. Rodante Marcoleta sa mga tumutol, at sinabi niyang mas mahirap ngayon para sa mga ordinaryong Pilipino na humingi ng accountability sa mga impeachable officials.
Nilinaw ni Rep. Edgar Erice na ang recital of facts ay hindi nangangailangan ng patunay sa unang yugto; ito ay tatalakayin sa ikaduhang yugto ng impeachment hearings, kung saan susuriin ang ebidensya, tatawag ng witnesses, at maririnig ang parehong panig. Sinabi niya, "Kapag hinarangan ng Kongreso ang ebidensya, hinarangan din nito ang paghahanap ng katotohanan."
Ang Makabayan bloc na sumuporta sa pangalawang reklamo ay nanindigan laban sa desisyon ng House, tinawag itong baseless, dishonest, at proteksyon sa pangulo. Samantala, ilang Duterte lawmakers ang nag-abstain, sinasabing ayaw nilang gamitin bilang props sa isang palabas na nagkukunwaring naghahanap ng katarungan. Sa ngayon, dahil na-junk ang mga reklamo, wala nang bagong impeachment proceedings na maaaring simulan laban kay Marcos sa loob ng taong ito.
