Ang Timberland at SEGA ay nag-release ng isang super limited na koleksyon na tampok si Shadow the Hedgehog. Para ito sa Holiday 2025 at ginawa talagang pang-collector dahil sobrang konti ng stocks.
Sa koleksyon, pinaka-standout ang 6-inch Premium Waterproof Boot na may black suede at red laces. May espesyal na ilustrasyon din ni Shadow na suot ang boots. Limitado lang ito sa 30 pairs worldwide, at ang presyo ay nasa ₱15,000.
Kasama rin ang mga graphic T-shirts na short sleeve at long sleeve. May design ni Shadow at limitado lang sa 50 piraso kada kulay. Nasa presyo itong ₱4,400 hanggang ₱5,600. May kasama ring Shadow plush toy para sa fans.
Ibebenta ang koleksyon sa Japan lang, partikular sa mga Timberland stores sa Shibuya PARCO at Canal City Hakata. Ang Timberland x SEGA: Shadow the Hedgehog collab ay ilalabas sa November 21, 2025.
