Ang Department of the Interior and Local Government (DILG) ay magsasagawa ng imbestigasyon laban sa mga lokal na opisyal na bumiyahe sa abroad kahit may utos na pagbabawal sa biyahe habang papalapit ang mga bagyo. Pinag-aaralan din ng Malacañang ang posibleng parusa sa mga lalabag.
Ipinagbawal ni Interior Secretary Jonvic Remulla ang anumang biyahe sa labas ng bansa ng mga halal at hinirang na opisyal mula Nobyembre 9 hanggang 15 upang matutukan ang paghahanda at pagtugon sa mga apektado ng bagyo. Ayon kay Remulla, nasa 20 opisyal ang nagtangkang bumiyahe, ngunit marami sa kanila ang naharang matapos kanselahin ang mahigit 40 travel clearances.
Sinabi rin ni Remulla na sisiyasatin nila kung may mga lokal na opisyal sa Cebu ang hindi nakadalo habang nananalasa ang Bagyong Tino na nagdulot ng maraming nasawi. Ayon sa kanya, may ilang ahensya na hindi pa matukoy kung naroon sa lugar noong panahong iyon, ngunit tiniyak niyang aalamin niya ang katotohanan.
Dagdag pa ni Remulla, personal niyang kinausap ang ilang alkalde tulad ni Mayor Jeannie Sandoval ng Malabon at ilang opisyal mula Cebu upang ipaalam na kanselado ang kanilang biyahe dahil sa paparating na bagyo. Siniguro rin niyang walang nakalabas ng bansa sa loob ng anim hanggang pitong araw matapos ipatupad ang travel ban.
Samantala, kinumpirma ni Remulla na si Isabela Governor Rodito Albano III ay nasa Germany para sa agricultural fair nang tumama ang bagyo. Agad daw siyang pinabalik at tiniyak na maayos p