Ang pinakabagong performance basketball shoes mula sa Nike ay paparating na—ang Nike G.T. Cut 4. Matapos ang ilang teaser nitong 2025, opisyal nang inanunsyo ang bagong modelo na nakatakdang ilabas sa Enero 2026.
Ang G.T. Cut 4 ay parte ng “Greater Than” series at unang sinuot ni Paige Bueckers sa WNBA All-Star Weekend. Dinisenyo ito para sa bilis, liksi, at ginhawa sa court. May ZoomX 3.0 midsole, parabolic Zoom Strobel, RBR-X foam, at Cushlon carrier para sa maximum cushioning at stability.
May bago rin itong traction pattern para sa mabilis na galaw at direksyon, habang ang 3D-molded collar at exoskeleton-casted containment ay nagbibigay ng snug at sleek na fit. Ayon kay Ross Klein, VP at Creative Director ng Nike Basketball, layunin ng G.T. Cut 4 na itulak ang laro sa bagong antas gamit ang pinaka-advanced na innovation ng Nike.
Inaasahang magkakahalaga ng humigit-kumulang ₱12,000 sa paglabas nito sa mga tindahan sa Enero 2026. Marami pang colorways ang inaasahang ilulunsad sa susunod na taon para sa mga sneaker fans at basketball players.
