Ang GoPro ay naglabas ng tatlong bagong produkto: ang MAX2 8K 360° camera, isang mini action camera na may built-in light, at isang AI-powered gimbal na compatible hindi lang sa GoPro kundi pati sa ibang gadgets.
Para sa unang pagkakataon sa mahigit isang dekada, walang bagong HERO flagship camera ngayong taon. Sa halip, mas pinili ng kumpanya na i-focus ang lineup nito sa bagong range ng mga produkto at ipagpatuloy ang HERO13 Black mula noong nakaraang taon.
GoPro MAX2 ang pinaka-highlight. Ito ay isang dedicated 360-degree camera na kayang mag-record ng Tunay na 8K video, gamit ang dual swappable lenses. Mayroon itong 10-Bit Color, GP Log encoding, at anim na mikropono para sa mas malinaw na tunog. Pwede rin itong mag-capture ng 29MP 360 photos, may AI tracking features, at may 1,960mAh battery na pangmatagalan kahit sa matinding panahon. Presyo nito ay ₱28,500 (USD $499.99) at available na sa pre-order, shipping sa Setyembre 30.
Kasama rin ang GoPro LIT HERO, isang mini 4K action cam na may built-in light. Kaya nitong mag-record ng 4K 60fps video, may slow-mo mode, waterproof hanggang 5 metro, at may bigat lang na 93 gramo. Isang full charge ay tumatagal ng hanggang 100 minuto. Presyo nito ay ₱15,400 (USD $269.99), shipping sa Oktubre 21.
Hindi rin nagpahuli ang bagong GoPro Fluid Pro AI gimbal. May 3-axis stabilization, interchangeable mounts, built-in fill light, at 18 oras na battery life. Compatible ito sa smartphones at cameras na hanggang 400g ang bigat. May reverse charging din para magamit pang-charge ng ibang devices. Presyo nito ay ₱13,100 (USD $229.99), available simula Oktubre 21.