Ang isang 65-anyos na magsasaka, si Artemio Manalay, ay natagpuang patay sa ilog sa Barangay Dominga, Calinan, Davao City noong Hunyo 16. Ayon sa mga residente, nakita ang kanyang bangkay na lumulutang at nasa state of decomposition na.
Noong Sabado ng umaga, umalis si Manalay papunta sa kanilang bukid sa Barangay Lamanan pero hindi na siya nakauwi. Matapos ang mahigit dalawang araw ng paghahanap, saka pa lang siya natagpuan.
Ang iniwang balsa na gawa sa kawayan lang ang nakita sa lugar. Pinaniniwalaang siya ay tinangay ng malakas na agos ng ilog dahil sa masamang panahon noong araw na iyon.
Patuloy ang paalala sa mga residente na maging maingat, lalo na kapag umaalis sa gitna ng masamang lagay ng panahon upang maiwasan ang ganitong trahedya.
Tags: Nation
