Nasabat ng Bureau of Customs (BOC) sa Port of Clark at ng PDEA ang halos 3,900 grams ng high-grade marijuana o kush. Ang street value nito ay nasa ₱5.8 million.
Ang shipment ay dumating noong March 26 mula sa Thailand at dapat sana ay ipapadala sa Legazpi, Albay.
Nadiskubre ang droga matapos itong ma-check gamit ang K-9 sniff test at physical inspection. Nakita ito sa loob ng 32 self-sealing packs na may label na "Crispy Broccoli".
Kinumpirma ng PDEA na ito nga ay marijuana matapos ang isang chemical analysis. Dahil dito, agad nang inilabas ang Warrant of Seizure para sa shipment.
