Ang iPhone Air ay maaaring pinakamagandang bilhin ngayon para sa mga naghahanap ng ultra slim na smartphone. Sa Pilipinas, may malaking diskwento ang Beyond the Box kung saan ang 256GB variant ay bumaba sa Php 59,890, katumbas ng Php 17,100 na bawas-presyo.
Kung ikukumpara, ang 256GB iPhone 17 ay nagkakahalaga ng Php 57,990 sa parehong tindahan. Sa maliit na diperensya sa presyo, mapapaisip ka kung bakit pipiliin ang iPhone Air na may isang camera lang, mas maliit na battery, at eSIM-only support.
Gayunpaman, mas premium ang iPhone Air dahil sa titanium frame na mas matibay sa papel. Mayroon din itong Ceramic Shield glass na gamit sa iPhone 17 Pro series, A19 Pro processor (na may isang GPU core na mas kaunti), 6.5-inch display, at ito ang pinakamagaan na iPhone ngayon sa 165 gramo.
Kung nag-aalinlangan ka pa, tandaan na ang special price ng Beyond the Box ay valid hanggang March 28, 2026, kaya may sapat kang oras para pag-isipan kung ang ultra slim iPhone Air ay bagay sa iyo.
