Ang HONOR ay nagtapos ng 2025 sa isang malaking tagumpay sa pagbubukas ng ika-200 nitong store sa SM Manila noong Disyembre 20. Ayon kay HONOR Philippines Vice President Stephen Cheng, bunga ito ng tatlong taong pagsisikap ng kumpanya. Binubuo ang milestone na ito ng 100 experience stores at 100 kiosks, na malinaw na patunay ng mabilis at matibay na paglago ng brand sa bansa.
Nakiisa sa selebrasyon ang GMA Kapuso stars na sina Shaira Diaz at EA Guzman, na matagal nang kilalang HONOR ambassadors. Pinakilig nila ang mga mamimili at mallgoers sa kanilang espesyal na pagtatanghal ng kantang “Palagi”. Dumalo rin sa event ang mga HONOR partners na sina Charlie Mateo at Danna Mateo ng CM Hi-Tech at Megapixel, kasama si Roy Seguerra ng SM City Manila.
Itinampok din sa pagbubukas ang pagdating ng HONOR MagicBook X14 at X16 2025. Ang MagicBook X14 2025 ay nagkakahalaga ng Php 34,999 at may Core i5-13420H, 16GB RAM, at 512GB SSD. Samantala, ang MagicBook X16 2025 na presyong Php 37,999 ay may mas malaking 16-inch display, Core Ultra 5 125H processor, 16GB LPDDR5X RAM, at mas malakas na 60wHr battery, na swak para sa trabaho at araw-araw na gamit.
