Ang Samsung Galaxy Z TriFold ay opisyal nang ipinakita—isang triple-panel foldable na may dual hinge at nagbubukas sa 10-inch Dynamic AMOLED 2X display. Kapag nakatiklop, nagiging 6.5-inch smartphone na kayang ilagay sa bulsa.
May premium design ito na may titanium hinge, Advanced Armor Aluminum frame, at 5,600mAh three-cell battery na pantay ang bigat sa bawat panel. Para ito sa mga users na gusto ang AI features, productivity, at mas malaking screen sa isang device.
Pinapagana ito ng Snapdragon 8 Elite for Galaxy, may 16GB RAM, hanggang 1TB storage, at mga Galaxy AI tools tulad ng Photo Assist, Generative Edit, at Gemini Live. Kayang mag-run ng triple-app multitasking at may standalone Samsung DeX. Ang 10-inch display ay parang tatlong 6.5-inch phones na magkatabi kaya perfect para sa movies, work at multitasking.
Sa camera, may 200MP main sensor, 12MP ultrawide, 10MP 3x telephoto, at dalawang 10MP selfie cameras. May Armor FlexHinge, shock-absorbing layer, at 200,000-fold test para siguradong matibay kahit first-gen tri-fold.
Nasa $2,500 USD ang presyo sa Korea (KRW 3,590,400). Ilalabas ito sa December 12 sa Korea, susunod ang China, Taiwan, Singapore, UAE, at US sa early 2026.
