Ang lungsod ng Manila ay nagdeklara ng class suspension sa Nobyembre 17 at 18 dahil sa tatlong araw na pagtitipon ng Iglesia Ni Cristo (INC). Inanunsyo ito matapos dumami ang tao sa lugar ng programa.
Sa video mula sa Manila PIO, sinabi ni Mayor Isko Moreno Domagoso na ang in-person classes para sa public at private schools ay pansamantalang hindi muna papayagan. Inutos niya rin ang paggamit ng alternative delivery modes para tuloy ang pag-aaral.
Ayon sa Manila PIO, nasa 130,000 katao ang dumalo sa unang araw ng pagtitipon. Ang malaking bilang ng tao ang isa sa mga dahilan ng suspension.
Ginanap ang pagtitipon sa Quirino Grandstand bilang anti-corruption protest ng INC. Dahil dito, may ilang road closures para maging maayos ang daloy ng trapiko.
Nagpatupad din ng dagdag na seguridad sa paligid upang masiguro ang kaligtasan ng mga dumadalo sa tatlong araw na programa.
