Ang sikat na “hamburg on rice” mula Japan ay dumating na sa Bonifacio Global City.
Ang Hikiniku to Come, kilala sa charcoal-grilled na beef patty na hinahain direkta sa kanin, ay opisyal nang nagbukas ng pinakamalaking branch nito sa Uptown Mall, BGC. Ito ay malaking hakbang para sa kanilang international expansion.
Kasama rito si Shohei Yamamoto, isang kilalang negosyante sa larangan ng pagkain; si Toshiyuki Konishi, creative director na nagdisenyo ng brand; at si Toshuyuki Kiyomiya, isang consultant sa mga international restaurant. Layunin nilang maghatid ng world-class na karanasan sa pagkain gamit ang simple ngunit dekalidad na putahe.
Laging mainit at bagong luto ang kanin, bagong giling ang karne bawat umaga, at bagong grill ang bawat patty sa harap mismo ng customer. Kapag medyo nasunog o nabasag ang patty, agad itong tinatapon—patunay ng mahigpit na pamantayan sa kalidad.
Bago magbukas, dumaan muna sa dalawang buwang training sa Japan ang mga staff mula Pilipinas. Ang bawat galaw sa pagluluto ay maingat, disiplinado, at may pagmamalaki—tunay na simbolo ng Japanese precision.
Dito, makikita ng mga bisita ang live cooking habang iniihaw ang kanilang inorder. Ang exhaust system ay espesyal na dinisenyo upang mapanatili ang amoy ng charcoal habang komportableng kumain ang mga customer. Ang presyo ng meal ay nagsisimula sa humigit-kumulang ₱600 hanggang ₱900 depende sa serving.
