Ang Manila ay napabilang sa listahan ng “Best of the World 2026” ng isang sikat na American magazine dahil sa kakaibang ganda ng food scene nito. Ipinakita dito kung gaano kayaman at iba-iba ang pagkain sa bansa—halo ng Spanish, Chinese, at Malay flavors na tunay na Pinoy na Pinoy.
Ibinida sa artikulo ang mga paboritong pagkain sa kalsada tulad ng Fish Ball, Turon, Isaw, Taho, at Espasol, pati na rin ang mga kilalang restaurant dishes gaya ng Crispy Pancit Palabok at Lumpiang Shanghai na may karne, gulay, mani, at seaweed.
Kasama rin sa mga binigyang pansin ang mga sikat na kainan sa Makati tulad ng Toyo Eatery at Kondwi, pati na rin ang mga dessert spot gaya ng Mary Grace at Bebang’s Halo-Halo. Marami ring inirerekomendang kainan tulad ng Inato, Metiz, Gallery by Chele, Hapag, Tadeo, at Sarsa, at mga bar sa Poblacion gaya ng Polilya at Run Rabbit Run.
Para sa mga turista, mainam daw bumisita sa Intramuros, Ayala Museum, at mag day trip sa Taal Lake, Pagsanjan Falls, at mga hot spring sa Laguna. Ayon sa ulat, pinakamagandang panahon para bumisita sa Manila ay mula Enero hanggang Abril, dahil hindi pa maulan at hindi sobrang init.
Para sa matitipid, may mga abot-kayang hotel tulad ng Lub d Manila Makati (humigit-kumulang ₱2,500 kada gabi), habang para sa luxury stay, inirerekomenda ang Manila Hotel (₱10,000+) at Shangri-La at the Fort (₱15,000+).
