Ang Rob Deniel, Arthur Nery, Amiel Sol, at Adie ay magsasama para sa isang malaking konsyerto na pinamagatang RAAA (Rob, Arthur, Amiel, Adie). Gaganapin ito sa Araneta Coliseum sa darating na December 5. Magsisimula ang bentahan ng tiket sa September 30, 2 PM.
Para kay Rob Deniel, kasunod ito ng kanyang bagong release noong September 17, ang sariling bersyon niya ng kantang “Ikaw Sana” ni Ogie Alcasid. Ayon sa opisyal na pahayag, pinagsama dito ang pagbibigay-pugay, modernong estilo, at Rob charm, kaya’t naging kakaiba ang dating ng kanta.
Samantala, si Arthur Nery naman ay nakipag-collab kay Loonie sa kantang “Palaisipan” noong August 23. Pinaghalo dito ang R&B vibes ni Arthur at ang matatalinong linya ni Loonie, na tumalakay sa usapin ng modernong romansa.
Si Amiel Sol ay naglabas din ng bago niyang single na “Tahimik Na Buhay Kapiling Ka” noong August 26, isang kantang umiikot sa pagpili ng pag-ibig na may dalang kapayapaan. Habang si Adie, kilala sa kantang “Mahika,” ay naglabas ng single na “Ms. Pakipot” noong March, kasama ang isang music video kung saan siya at si Bianca Umali ay gumanap sa isang cute na office romance.
Ang RAAA Concert ay siguradong magiging espesyal dahil ito ang unang pagkakataon na magsasama ang apat na sikat na OPM artists sa iisang entablado. Presyo ng tiket: ₱6,500 (VIP kasama ang soundcheck, hi-bye session, at photocard), ₱5,000 (kasama soundcheck), ₱3,500 (Lowerbox), ₱2,000 (Upperbox), at ₱1,000 (General Admission).
