Ang bagong brand na Antigravity ay nag-anunsyo ng A1, ang kauna-unahang drone sa mundo na may 8K 360-degree capture. Ilalabas ito sa Enero 2026 at layong magbigay ng kakaibang drone-flying experience gamit ang immersive goggles at grip controller.
May dual-lens camera ang A1, isa sa itaas at isa sa ibaba, para makuhanan ang buong paligid nang walang blind spots. Gamit ang Vision goggles at Grip controller kasama ang FreeMotion technology, maaaring tumingin ang piloto sa 360 degrees habang lumilipad gamit lang ang madaling hand gestures.
May bigat lang na 249 grams, pumapasa ito sa regulatory requirements sa karamihan ng mga bansa. Ayon sa Head of Marketing ng Antigravity, layunin nilang gawing mas ligtas, madali, at malikhain ang paglipad para sa lahat.
Ang A1 ay makakakuha ng mga shot na maaaring hindi mo napansin habang lumilipad, at isang take lang ay puwedeng gawing maraming angles para sa mas malawak na creativity.
Para sa mga gustong sumubok, inaanyayahan ng Antigravity ang mga creatives mula sa iba’t ibang bansa na mag-apply upang makatanggap ng pre-production unit at ibahagi ang kanilang mga ideya. Wala pang presyo, pero inaasahang aabot sa ₱75,000–₱85,000 batay sa mga katulad na modelo.