Hi, gusto ko lang ilabas lahat ng bigat na dinadala ko ngayon. Hindi ko alam kung saan ako magsisimula, pero sana matapos mong basahin ito.
Ako si Anna, 19 years old. May ex ako na kaedad ko rin, tawagin na lang natin siyang Jake, 19 years old din. Halos magkasunod lang birthday namin—ako September 21 at siya naman September 23. Sa totoo lang, hindi ko inakala na magkakaroon kami ng ganitong kwento. Noong una pa lang, sobrang bait niya, green flag siya in every way. Kahit nung fling stage pa lang kami, ramdam ko yung effort at care niya.
Classmate ko siya nung Junior High School pero hindi kami close noon. Nagkaron lang kami ng chance na magkausap nung pandemic. Doon kami nagsimulang maging on and off, walang label, walang klaro, pero lagi siyang nandiyan kahit papaano. Hanggang sa dumating yung time na parang lalong naging masaya ako kapag kausap ko siya.
Fast forward, noong Grade 12 na ako, sa ibang school na ako nag-aaral pero bigla kaming nag-usap ulit. Doon na nagsimula yung feeling na baka pwede na talaga kami. Pero hindi ganun kadali. One day, nalaman ko na may kausap pala siyang ibang babae—hindi lang isa kundi lima. Sabi ng kaibigan ko, ako raw yung “original na fling,” at may ebidensya pa. Masakit, sobra. Pero alam mo yung mahal na mahal mo yung tao kaya kahit anong sakit, kaya mong lunukin? Ganun yung ginawa ko. Pinatawad ko siya agad kasi mahal ko siya at nasanay na ako na andyan siya.
Naging close din ako sa pamilya niya. Noong graduation niya, ipinakilala niya ako sa kanila. Ang gaan ng pakiramdam ko lalo sa mama niya, parang second mom ko na siya. Sobrang saya ko noon, kasi iniisip ko baka kami na talaga sa huli.
Pero eto yung pinakamalaking pagkakamali ng buhay ko: gumanti ako. Noong October, napuno ako ng emosyon, galit, at selos. Nag-cheat ako kay Jake gamit ang classmate ko. Alam kong mali, sobrang mali. Akala ko mapapatawad niya rin ako gaya ng pagpapatawad ko sa kanya noon, pero mali ako. Hindi niya ako pinatawad at bigla kaming naghiwalay. Walang closure, walang second chance.
After nun, pinilit kong panindigan yung ginawa ko. Nakipag-usap ako sa classmate ko ng ilang buwan, pero natigil din yun after two months. Kahit anong gawin ko, hindi ko pa rin siya makalimutan. Hanggang ngayon, mahal na mahal ko pa rin siya. At mas lalo akong nadurog nang malaman ko na may bago na siya—at mas masakit kasi kakilala ko pa yung babae.
Alam ko, kasalanan ko lahat ng ito. Kung pwede lang kong ibalik yung oras, hindi ko na sana ginawa yun. Ngayon, naiisip ko na baka kailangan ko na lang mag-move on kung yun ang mas makakabuti para sa kanya at para sa akin. Pero sa puso ko, kung may second chance lang talaga, gagawin ko lahat para maitama ang mali ko. Ipapakita ko na kaya kong maging sapat para sa kanya at hindi ko na siya sasaktan ulit.
Hindi ko alam kung paano ko sisimulan mag-move on. Hindi ko rin alam kung maririnig niya pa ‘to. Pero isang bagay ang sigurado: mahal na mahal ko pa rin si Jake kahit ako ang nagkamali. At yun ang pinaka-masakit sa lahat.
