Ang isang law student mula sa De La Salle University (DLSU) sa Bonifacio Global City, Taguig na nawala noong June 8 ay natagpuang patay sa Naic, Cavite nitong Sabado. Nakilala ang biktima na si Anthony Granada, 25 taong gulang.
Huling nakita si Granada na sumakay ng Grab mula sa kanyang condo sa C-5 Road, patungo sa Naic Town Plaza. Ayon sa Grab driver, kalma lang daw si Anthony sa biyahe.
Sa CCTV footage, namataan siyang naglalakad mag-isa sa Lopez Jaena Bridge bandang alas-9:20 ng gabi noong araw na siya’y nawala.
Noong Sabado, may natagpuang bangkay sa isang bakanteng lote sa Barangay Sapa, Naic. Kapatid ni Anthony, si Ricky Granada, ang nagkumpirma na siya nga ang nasa katawan.
Ayon sa imbestigasyon ng pulisya, walang foul play na nakita sa pagkamatay niya. Hiling ni Ricky sa publiko sa Facebook na igalang ang kanilang pagdadalamhati sa mga oras na ito.
