Ben Affleck at Jon Bernthal ay muling magkasama sa action-packed sequel na The Accountant 2, na ipapalabas ngayong April 25 sa mga sinehan. Ginagampanan nila ulit ang mga karakter na Christian Wolff at Brax, magkapatid na may kakaibang skills sa pagharap sa matitinding problema.
Ang kwento ay umiikot kay Christian Wolff, isang genius na accountant na may kakaibang talento sa pag-solve ng mga complex na kaso. Nang may isang dating kakilala na pinatay at nag-iwan ng mensahe na “find the accountant,” napilitan siyang imbestigahan ito. Dahil mas seryoso ang sitwasyon, kinailangan niyang humingi ng tulong sa kapatid niyang si Brax, na kilala sa pagiging deadly.
Kasama nila si Marybeth Medina mula sa U.S. Treasury (ginagampanan ni Cynthia Addai-Robinson) para lutasin ang isang delikadong conspiracy. Habang lumalalim ang imbestigasyon, sila ay naging target ng isang grupo ng mga assassins na handang gawin ang lahat para manatiling sikreto ang katotohanan.
Ang pelikula ay directed by Gavin O’Connor at produced by Ben Affleck, Lynette Howell Taylor at Mark Williams. Kasama rin sa cast sina Daniella Pineda, Allison Robertson at J.K. Simmons. Huwag palampasin ang trailer ng The Accountant 2— isang pelikulang puno ng aksyon at twist!
