Ang siyam na Chinese nationals ay nahuli sa illegal mining sa Masbate, ayon sa Bureau of Immigration (BI). Nahuli sila nitong Lunes sa dalawang mining site sa mga barangay ng Cabancalan at Pangle sa bayan ng Aroroy.
Hindi nakapagsumite ng tamang dokumento ang mga dayuhan para makapagtrabaho sa pagmimina. Ayon sa BI, ilan sa kanila ay overstaying at walang work permits.
Dinala sa Maynila ang mga suspek para sa tamang proseso at mananatili sa detention facility sa Taguig habang hinihintay ang kanilang deportation.
Nakipagtulungan ang BI sa AFP, PNP, at lokal na pulisya ng Masbate sa isinagawang operasyon.
Ayon kay BI Commissioner Joel Anthony Viado, hindi sila papayag na mga banyaga ay kumita mula sa illegal mining na nakakasira sa kalikasan at kabuhayan ng mga lokal na residente.
