Ang sikat na French brand na Jacquemus ay muling maglalabas ng Nike Moon Shoe, isa sa mga pinaka-OG na sneakers mula 1972. Unang nakita sa Fall/Winter 2025 runway show, ngayon ay opisyal nang inanunsyo ang tatlong bagong colorways.
Ang Jacquemus x Nike Moon Shoe ay may ruched nylon upper at outsole na gawa sa Nike Regrind. Dinisenyo ito para pagsamahin ang elegance at running DNA ng orihinal na modelo. Makikita rin ang Jacquemus branding sa tongue, heel, at sockliner, habang ang packaging ay nagbibigay-pugay sa Nike Blue Ribbon Sports era.
May tatlong kulay na ilalabas: Off Noir, Alabaster, at University Red. Ang Alabaster ay magiging exclusive sa Jacquemus, habang ang iba ay ibebenta rin sa global release.
Ang presyo ng bawat pares ay $180 USD o humigit-kumulang ₱10,500. Available ito sa September 29 sa Jacquemus at susundan ng mas malawak na release sa October 6.
Ang koleksyon ay tiyak na tatargetin ng mga sneaker fans at collectors dahil sa iconic na disenyo at limitadong availability.
