Ang Paramore lead singer na si Hayley Williams ay nagpasabog ng sorpresa nang maglabas siya ng 17 bagong kanta ngayong Biyernes. Ang lahat ng kanta ay pinroduce ni Daniel James at nagmarka ng bagong yugto sa kanyang music career.
Sa ilalim ng kanyang bagong label na Post Atlantic, inilabas ni Williams ang mga kanta bilang bahagi ng kanyang bagong proyekto na tinatawag ng fans na “Ego.” Kasama rin dito ang kanyang mga ka-collaborate na sina Brian Robert Jones at Joey Howard. Si Williams mismo ang sumulat, nag-record, at tumugtog ng ilang instrumento para sa mga kanta.
Una niyang inilagay ang mga kanta sa isang misteryosong website na konektado sa kanyang brand, ngunit agad niya itong tinanggal makalipas ang dalawang araw. Pagkatapos nito, pormal niyang in-upload ang bawat kanta bilang individual singles sa streaming platforms nitong Biyernes.
Ayon sa mga fans, ito ang simula ng isang bagong era para kay Hayley Williams matapos ang kontrata ng Paramore sa dating label. Ngayon, mas marami ang naghihintay kung ano pa ang ihahandog ng singer sa kanyang solo journey.
