Ang mga pulis sa San Jose Del Monte, Bulacan ay nagpahayag na wala pang ebidensya na mag-uugnay sa natagpuang mga buto sa kaso ng nawawalang sabungero. Ayon kay Police Lt. Col. Reyson Bagain, nakadepende ang magiging resulta sa pagsusuri ng crime laboratory.
Sinabi ni Bagain na natagpuan ang anim na bungo sa loob ng isang kahon na naka-seal sa tabi ng isang daycare center sa Brgy. Tungkong Mangga noong Hulyo 13. Nadiskubre ito ng isang caretaker ng daycare.
“Malinis ang mga bungo nang makita namin, base sa larawan at aktwal na obserbasyon,” paliwanag ni Bagain.
Idinagdag niya na kailangan ng pasensya ng publiko habang nagpapatuloy ang imbestigasyon. Pinoproseso na rin nila ang agarang pagkakakilanlan ng mga buto upang makuha ang tunay na detalye ng kaso.
