Ang isang simpleng regalo mula kay Mama, panty lang kung tutuusin, pero sobrang naka-touch sa isang breadwinner. Ibinahagi niya sa social media ang kwento kung paano siya napaluha nang makita ang bagong panty na palihim na isiniksik ni Mama sa kanyang bag.
Nagsumikap si Ate sa mga raket at trabaho para mapagbigyan ang mga hiling ng pamilya—cellphone para kay Mama, piyesa ng motor kay Papa, at regalo para sa bunsong kapatid na nagtapos sa pag-aaral. Dahil busy sa trabaho, Mahal na Araw lang siya nakauwi sa probinsya. Doon niya lang din naayos ang sarili niyang gamit.
Habang nag-aayos ng gamit, nakita niyang may bagong panty na galing sa lokal na brand. Na-touch siya dahil naisip pa ni Mama ang gamit niya, na halos luma na pala. Nalaman niyang inipon pa pala ni Mama ang perang padala niya para mabilhan siya nito.
Naalala niya tuloy ang kabataan niya. Noon, madalas sa palengke lang sila bumibili ng underwear at kung may brand man, hati-hati pa sila dahil mahal. Kaya kapag napag-uusapan ng kaklase ang tatak ng panty, hindi na lang siya sumasali.
Umabot ang kwento kay AVON Philippines at na-touch din sila. Kaya humihingi na sila ng tulong online: "Help us find Ate!" Gusto raw nilang mapasaya si Ate sa simpleng paraan. Habang isinusulat ito, patuloy pa rin ang paghahanap sa kanya. Sana raw ay matagpuan siya ng internet para personal siyang mapasalamatan.
