Tatlong bata ang nasawi sa isang sunog na naganap sa Barangay Mambaling, Cebu City noong umaga ng Marso 29.
Kinilala ang mga biktima na sina Sachna Lexy Siaboc (6), Razan Kyle Siaboc (3), at Athena Lexy Siaboc (3), na natagpuang walang buhay sa loob ng kanilang kwarto sa ikalawang palapag ng kanilang bahay.
Ayon sa inisyal na imbestigasyon, sinubukan ng kanilang ina, si Ynica Marie Siaboc, na sagipin ang mga bata ngunit hindi na nakapasok dahil sa lakas ng apoy.
Tinatayang 20 bahay ang natupok. Patuloy pa rin ang imbestigasyon sa sanhi ng sunog at ang halaga ng pinsala.
