Opisyal nang sumali si NBA Champion at reigning Finals MVP Jaylen Brown sa team Oakley para sa kauna-unahan niyang brand partnership. Ang kolaborasyong ito ay tatagal ng ilang taon at magpopokus sa paghubog ng bagong design philosophy sa mundo ng Oakley. Kasama ang development, innovation, at research teams, maglulunsad ang partnership ng special edition na mga produkto kasama ang sportswear brand ni Brown na 741.
Bilang eyewear ambassador ng brand, makikita ngayong NBA season ang kanyang pre-game “tunnel fit” walks na suot ang iconic Oakley styles mula early 2000s, kabilang ang Over The Top at Polaris.
“Ito ang unang brand partnership sa aking karera dahil nais kong makipag-alinsabay lamang sa mga brand na sumasalamin sa aking vision at values—self-expression, style, at unity,” pahayag ni Brown tungkol sa partnership. “Ang dedikasyon ng Oakley sa pag-unlad ng sports at kultura, habang binibigyang inspirasyon ang kabataan ngayon, ang dahilan kung bakit makabuluhan ang partnership na ito.”
Kasama bilang Oakley brand ambassador, si Brown ay pumapantay kina Patrick Mahomes, Paolo Banchero, Diamond DeShields, Justin Jefferson, at marami pang iba. Sa labas ng sports, abala rin ang Oakley sa pakikipagtulungan sa mga tulad ng Palace, Bodega, at Podpah Podcast.
